काठमाडौं । एसियन गेम्स पुरुष क्रिकेटअन्तर्गत आज भएको खेलमा नेपालले चीनलाई २२१ रनको विशाल अन्तरले पराजित गर्दै प्रतियोगितामा विजयी सुरुआत गरेको छ।
नेपाली ब्याटर कुशल भुर्तेलको आक्रामक शतक तथा कुशल मल्ल र रोहित पौडेलको उत्कृष्ट अर्धशतकको मद्दतमा नेपालले निर्धारित २० ओभरमा ३१३ रनको विशाल योगफल तयार गरेको थियो।
३१४ रनको लक्ष्य पछ्याएको चीन १९.२ ओभरमा ९२ रनमै अलआउट भयो। नेपालका लागि कुशल मल्लले ३ विकेट लिए भने सन्दीप लामिछाने र सोमपाल कामीले समान २–२ विकेट हात पारे। नन्दन यादवले १ विकेट लिए। चीनका दुई ब्याटर रनआउट भएका थिए।
यसअघि टस जितेको चीनले पहिले फिल्डिङ गर्ने निर्णय गरेको थियो। नेपालको ब्याटिङ र बलिङ दुवै विभागको उत्कृष्ट प्रदर्शनका कारण चीन खेलभर दबाबमा रह्यो र ठूलो अन्तरको हार बेहोर्न बाध्य भयो।
2026 swatantrapath.com सर्वाधिकार सुरक्षित