लिसबन । पोर्चुगाली प्रसिद्ध फुटबल खेलाडी क्रिस्टियानो रोनाल्डोले अन्तर्राष्ट्रिय फुटबलबाट सन्यास लिएको बिहीबार घोषणा गर्नुभएको छ।
पोर्चुगलका लागि ४१ वर्षीय रोनाल्डोले २३४ खेल खेल्नुभएको छ भने र १४६ गोल गर्नुभएको छ ।
गत महिना राष्ट्रिय प्रशिक्षक जर्ज जेसससँग मतभेद भएपछि उहाँ टोलीको शिविरबाट तत्काल बाहिरिनुभएको थियो ।
जेससले उहाँलाई नेसन्स लिगको एक खेलमा खेलाउन अस्वीकार गरेपछि उहाँहरूबीच सम्बन्ध चिसिएको थियो ।
“पोर्चुगाली जनतालाई, हाम्रो राष्ट्रिय टोलीको नम्बर सातको जर्सी फिर्ता गर्ने दिन आएको छ,” रोनाल्डोले आफ्नो इन्स्टाग्राम अकाउन्टमा राखेको भिडियो सन्देशमा भन्नुभएको छ।
“मैले कहिल्यै यो मेरो मात्र हो भन्ने महसुस गरिनँ तर २३ वर्षसम्म यसलाई डोराउने, रक्षा गर्ने र विश्वभरका स्टेडियमहरूमा लिएर जाने विशेषाधिकार र जिम्मेवारी मैले पाएँ,” उहाँले थप्नुभयो ।
2026 swatantrapath.com सर्वाधिकार सुरक्षित