युद्ध अन्त्यका लागि इरानको ६ बुँदे प्रस्ताव

काठमाडौं । इरानले अमेरिका र इजरायलसँग जारी तनावका बीच युद्ध अन्त्यका लागि ६ बुँदे शर्त सार्वजनिक गरेको छ। एक वरिष्ठ इरानी अधिकारीले लेबनानी सञ्चारमाध्यम Al Mayadeen सँगको कुराकानीमा उक्त जानकारी दिएका हुन्।

ती अधिकारीका अनुसार इरानले अमेरिका र इजरायलविरुद्ध पूर्वनियोजित रणनीतिअनुसार सावधानीपूर्वक कदम चालिरहेको छ। उनले इरानले शत्रुका धेरै सैन्य प्रणालीहरूमा क्षति पुर्‍याएको दाबी गर्दै इजरायली आकाश क्षेत्रमा आफ्नो प्रभाव बढ्दै गएको पनि बताएका छन्।

इरानले आफ्ना विरोधीहरूलाई “पाठ नसिकाएसम्म” कारबाही जारी रहने स्पष्ट पार्दै युद्ध अन्त्यका लागि निम्न ६ शर्त अघि सारेको जनाएको छ:

1. भविष्यमा पुनः युद्ध नहुने ठोस ग्यारेन्टी हुनुपर्ने
2. क्षेत्रमा रहेका अमेरिकी सैन्य अड्डाहरू बन्द गरिनुपर्ने
3. इरानले बेहोरेको क्षतिको पूर्ण क्षतिपूर्ति दिनुपर्ने
4. सम्पूर्ण क्षेत्रमा जारी सबै युद्धहरूको अन्त्य गरिनुपर्ने
5. Strait of Hormuz सम्बन्धी नयाँ नियमहरू बनाइनुपर्ने
6. इरानविरोधी मिडियासँग सम्बन्धित व्यक्तिहरूमाथि कारबाही गरिनुपर्ने

इरानी अधिकारीहरूले यी शर्तहरू पूरा नभएसम्म आफ्नो रणनीतिक कारबाही जारी रहने चेतावनी दिएका छन्। यसले मध्यपूर्व क्षेत्रमा तनाव अझ बढ्ने संकेत देखिएको छ।

प्रतिक्रिया